Billets,  Sur mon nuage

A sa fam

A sa fam ki enn zour inn ne
sa boutt baba ki pa ti kone ki
kan sosyete bate, geyn dimal
Sa fam ki pas ti kone ki sosyete
ti pou zistifie 1 krim par so metye ou manier li habiye
Tipti tifi ki finn grandi avec lide
ki c so fot si bannla inn tousse
si bannla inn viole
A sa fam ki kan li koze, dimunn reflesi
Ki ena lame lor leker
leker lor lame
A sa fam ki kan li p mett so sari, so qipao, so churidar
ou kan li p largue so gros touffe afro
li pa p marss, latet enba
Li kone soley inn lev pou li
Li tousel kone enba so lipie ena la bou
me dan la bou,
1 Lotus inn ne


Avec toute ma touffe,

Laisser un commentaire

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

%d blogueurs aiment cette page :